Xalq şairi Nəriman Həsənzadə əməliyyat olunub.
Bakı Sağlamlıq Mərkəzinin (BSM) Xarici əlaqələr və marketinq şöbəsinin şöbə müdiri Günay Kazımova "Operativ Məlumat Mərkəzi-OMM"-ə bildirib ki, 94 yaşlı Nəriman Həsənzadə 12 yanvar axşam saatlarında Mərkəzə müraciət edib.
“Tətbiq olunan ablasiya proseduru əsnasında öz ürək ritminin olmadığı aşkarlanıb və qısa müddətli kardiopulmonar resusitasiya (KPR) icra olunub. Ürək ritminin izlənməməsi səbəbindən pasiyentə müvəqqəti stimulator taxılıb və müvəqqəti stimulator sonrasında eyni seansda daimi stimulyator implantasiyası proseduru icra olunub. Pasiyent bir neçə saatlıq reanimasiya müşayətinin ardından intensiv palataya keçirilib”, - şöbə müdiri qeyd edib.
Onun sözlərinə görə, kardiologiya və kardiocərrahiyyə məsələləri üzrə kordinatoru, həkim kardioloq Fərid Əliyev tərəfindən əməliyyat olunan Nəriman Həsənzadənin vəziyyəti yaxşıdır və yaxın günlərdə evə buraxılacaq.
