5 yaşlı Nail Bayramın cansız cəsədi Hollandiya sərhədində, Belçikanın Vise şəhərindəki La Meusa çayında tapılıb.
"Operativ Məlumat Mərkəzi-OMM" xəbər verir ki, ötən cümə axşamı həyat yoldaşı ilə mübahisə edərək oğlu Naili də götürərək evdən çıxan 38 yaşlı ana Fatma Bayramdan hələ də xəbər yoxdur.
Mübahisədən sonra qadın evdən çıxıb və geri qayıtmayıb, 15 illik həyat yoldaşı isə arvadı və oğlunu axtarmağa başlayıb. Fatma Bayramın avtomobilini çayın kənarında, qapıları açıq, açarı üzərində görən ata polisə xəbər verib. Xəbərdarlıq üzərinə geniş axtarışa başlayan polis ertəsi gün səhər saatlarında Nailin cəsədini tapıb. İlkin ehtimallara görə, Nailin bədənində heç bir zərbə izi aşkar edilməyib.
