Xorvatiyanın müdafiə naziri İvan Anusiç 2025-ci il yanvarın 1-dən məcburi hərbi xidmətin bərpa olunacağını açıqlayıb.
"Operativ Məlumat Mərkəzi-OMM" xəbər verir ki, bu barədə "Associated Press" məlumat yayıb.
Müdafiə idarəsi rəisinin sözlərinə görə, belə bir qərar Avropada gərginliyin artması və ölkələr arasında silahlanma yarışı səbəbindən qəbul edilib.
Anusiç onu da qeyd edib ki, hərbi xidmətə çağırışın bərpası Balkanlarda hərbi gücün artırılması ilə bağlıdır.
Xorvatiyada 2008-ci ildə məcburi hərbi xidmət ləğv edilib. Bunu könüllülük sistemi əvəz edib. Hazırda respublikada əsgərlərin sayı 18,6 min nəfər olduğu təxmin edilir.
