Türkiyədə Milli Risk Qalxanı Modeli yaradılır.
"Operativ Məlumat Mərkəzi-OMM" bildirir ki, bunu Prezident Rəcəb Tayyib Ərdoğan Türkiyə Böyük Millət Məclisində çıxışı zamanı deyib.
"Şəhərlərimizi zəlzələyə davamlı yerlərə çevirməyi planlaşdırırıq. Bütün gələcək tədqiqatlar bu modelə əlavə olaraq hazırlanacaq və həyata keçiriləcək. Ətraf Mühit, Şəhərsalma və İqlim Dəyişikliyi nazirimiz Murat Kurum Türkiyənin Milli Risk Qalxanının model işinin koordinasiyasını idarə edəcək", - deyə Ərdoğan vurğulayıb.
Xatırladaq ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub. Fevralın 20-də isə Hatay vilayətində 6.4 ballıq növbəti zəlzələ qeydə alınıb. Malatyada da 5.6 ballıq daha bir zəlzələ baş verib.