Bakının bir sıra əsas küçə və prospektlərində nəqliyyatın hərəkətində sıxlıq yaranıb.
"Operativ Məlumat Mərkəzi-OMM"-in məlumatına görə, bu barədə Nəqliyyatı İntellektual İdarəetmə Mərkəzi (NİİM) rəsmi açıqlama yayıb.
Mərkəzin verdiyi məlumata əsasən, hazırda paytaxtın müxtəlif istiqamətlərində tıxac müşahidə olunur. Sürücülərin xüsusilə diqqətli olması tövsiyə edilən yollar aşağıdakılardır:
Bakı–Sumqayıt şosesi, “20 Yanvar” metro stansiyası istiqamətində;
1-ci Göl kənarı yolu, Ziya Bünyadov prospekti istiqamətində;
Binəqədi şosesi, “Azadlıq prospekti” metro stansiyası yönündə;
Yusif Səfərov küçəsi, mərkəz istiqamətində;
Üzeyir Hacıbəyli küçəsi, Azadlıq prospekti ilə kəsişməyə qədər olan hissədə;
Tbilisi prospekti, “20 Yanvar” metro stansiyasından şəhər mərkəzinə doğru;
Ziya Bünyadov prospekti, Müzəffər Nərimanov küçəsi ilə kəsişmədən “20 Yanvar” metro stansiyası istiqamətində;
8 Noyabr prospekti, Süleyman Əhmədov küçəsi ilə kəsişmədən mərkəzə doğru.
NİİM sürücülərə alternativ marşrutlardan istifadə etməyi və yol şəraitini əvvəlcədən nəzərə almağı tövsiyə edir.
