İsrailin Baş naziri Binyamin Netanyahu orduya Beyrutun yaxınlığında yerləşən Hizbullah təşkilatına məxsus hədəflərin vurulması ilə bağlı tapşırıq verib. İsrail Baş Nazirinin Ofisindən verilən rəsmi açıqlamaya görə, hərbi əməliyyatlara Hizbullahın atəşkəs razılaşmasını pozması səbəb olub.
İsrail tərəfi hesab edir ki, Hizbullahın son addımları mövcud razılaşmanın şərtlərinə ziddir və buna cavab olaraq hərbi tədbirlərin görülməsi zərurətə çevrilib. Hazırda İsrail ordusu Livanın paytaxtı Beyrutun ətrafındakı Hizbullah obyektlərinə qarşı əməliyyatları davam etdirir.
Hələlik zərbələrin nəticələri və mümkün itkilər barədə rəsmi məlumat açıqlanmayıb.
