Si Cinpin qlobal ekoloji idarəetmənin təkmilləşdirilməsi məqsədilə Şanxay Əməkdaşlıq Təşkilatı (ŞƏT) üzv ölkələri ilə əməkdaşlığa hazır olduqlarını bildirib.
"Operativ Məlumat Mərkəzi-OMM"-inÇin mediasına istinadən yaydığı məlumata görə, Çin Prezidenti ŞƏT-in “yaşıl və davamlı inkişaf forumu”nun iştirakçılarına təbrik məktubu göndərib.
Məktubda qeyd olunur ki, Çin “Şanxay ruhunu” təşviq edərək qlobal ətraf mühit idarəetmə sisteminin təkmilləşdirilməsinə və daha təmiz, daha davamlı dünya qurulmasına töhfə verməyə hazırdır.
Bildirilib ki, Si Cinpin Çin Xalq Respublikasının ekoloji siyasətində yaşıl inkişafa sadiqliyi vurğulayaraq ölkənin qlobal ekoloji sivilizasiyanın formalaşmasında fəal iştirak etdiyini qeyd edib.
Qeyd edək ki, ŞƏT 2001-ci ildə təsis olunmuş beynəlxalq təşkilatdır və onun üzvləri arasında Çin, Rusiya, Hindistan, Pakistan, İran və digər dövlətlər yer alır. Təşkilatın geniş əməkdaşlıq şəbəkəsinə bir sıra region ölkələri də daxildir.
