"Azərbaycan Dəmir Yolları" QSC-nin (ADY) məlumatına görə, Rusiyadan Ermənistana Azərbaycan ərazisindən tranzit keçməklə növbəti yük daşınması həyata keçirilib. Belə ki, Biləcəri stansiyasından Böyük Kəsik istiqamətinə 4 vaqondan ibarət 280 ton buğda və 4 vaqondan ibarət 277 ton gübrə göndərilib.
Qeyd edək ki, bu marşrut üzrə indiyədək aşağıdakı həcmdə yüklərin daşınması təmin edilib:
- Taxıl: 28 min tondan çox
- Gübrə: 4 min tondan çox
- Alüminium: 133 ton
- Qarabaşaq: 68 ton
Bundan əlavə, tranzit yüklərlə yanaşı, Azərbaycandan Ermənistana neft məhsullarının ixracı da icra olunur. İndiyədək qonşu ölkəyə 10 min tondan çox dizel yanacağı, 979 ton Aİ-92 və 2955 ton Aİ-95 markalı benzin ixrac edilib.
