Fevralın 15-də Azərbaycan ərazisində hava şəraiti bölgələrə görə kəskin fərqlənəcək.
"Operativ Məlumat Mərkəzi-OMM" xəbər verir ki, paytaxtda yağıntılı və mülayim hava müşahidə olunduğu halda, rayonlarda temperaturun 22 dərəcəyə qədər yüksələcəyi proqnozlaşdırılır.
Paytaxtda hava dəyişkən buludlu olacaq. Günün birinci yarısında bəzi ərazilərdə yağış yağacağı ehtimal olunur.
Səhər saatlarında arabir güclənən şimal-qərb küləyi gündüz mülayim şimal-şərq küləyi ilə əvəzlənəcək.Temperatur gecə 5-9° isti, gündüz 14-16° isti olacaq. Atmosfer təzyiqi 754 mm-dən 767 mm civə sütununa qədər kəskin yüksələcək. Rütubət 70-80% təşkil edəcək.
Rayonlarda hava əsasən yağmursuz keçəcək, lakin gecə və səhər bəzi yerlərdə qısamüddətli yağıntı, dağlıq ərazilərdə isə qar gözlənilir.
- Temperatur (Aran): Gecə 4-9° isti, gündüz 17-22° isti.
- Temperatur (Dağlar): Gecə 3-8° isti, gündüz 15-20° isti.
- Duman: Gecə və səhər saatlarında bəzi bölgələrdə duman müşahidə olunacaq.
