Mərakeş, Meksika və Serbiya səfirlikləri Qurban bayramı münasibətilə Azərbaycan xalqına təbrik mesajları yayımlayıb. “Operativ Məlumat Mərkəzi-OMM” xəbər verir ki, diplomatik nümayəndəliklər bu barədə rəsmi sosial şəbəkə hesablarında paylaşımlar ediblər.
Mərakeşin Azərbaycandakı səfiri Adil Embarş təbrikində qeyd edib: "Bayramınız mübarək! Qoy hər il rifah və sevinc gətirsin".
Meksikanın ölkəmizdəki səfirliyinin paylaşımında isə "Azərbaycan xalqını Qurban bayramı münasibətilə təbrik edirik!" ifadələrinə yer verilib.
Serbiyanın Azərbaycandakı səfirliyi də öz növbəsində bütün müsəlmanlara firavanlıq və sevinc dolu bir bayram arzulayıb.
