Ermənistanın Baş naziri Nikol Paşinyan Azərbaycanın onun “strateji razılaşma” təklifinə cavab verəcəyini gözləmədiyini bildirib.
"Operativ Məlumat Mərkəzi-OMM" xəbər verir ki, Paşinyan bu barədə hökumət iclasından sonra keçirilən brifinqdə sualı cavablandırarkən danışıb.
“Düşünürəm ki, bunlar sadəcə tətbiq olunmalı və tətbiq olunacaq təkliflərdir. Mənə Azərbaycandan reaksiya lazım deyil. Çünki düzgün formulu düzgün yerdə istifadə etdikdə, o, işə başlayır”, – deyə o qeyd edib.
Baş nazir vurğulayıb ki, paraflanmış sülh müqaviləsi, delimitasiya komissiyalarının nizamnaməsi və ölkələr arasında sülh prosesi müəyyən mənada cavab rolunu oynayır.
Onun sözlərinə görə, Ermənistanın strateji baxışı artıq real nəticələr verməyə başlayıb.
