Bakının müxtəlif istiqamətlərində yerləşən bir sıra əsas yollarda nəqliyyatın hərəkətində çətinliklər müşahidə olunur.
"Operativ Məlumat Mərkəzi-OMM"-in məlumatına görə, bu barədə Nəqliyyatı İntellektual İdarəetmə Mərkəzi (NİİM) məlumat yayıb.
Hazırkı vəziyyətə əsasən, paytaxtın aşağıdakı ərazilərində tıxac qeydə alınıb:
Tbilisi prospekti – “20 Yanvar” metrostansiyasından şəhər mərkəzi istiqamətində;
Ziya Bünyadov prospekti – Müzəffər Nərimanov küçəsi ilə kəsişmədən “20 Yanvar” metrostansiyası istiqamətində;
Yusif Səfərov küçəsi – mərkəzə doğru hərəkət hissəsində;
1-ci Göl kənarı yolu – Ziya Bünyadov prospekti istiqamətində;
Alı Mustafayev küçəsi – Ziya Bünyadov prospekti istiqamətində sıxlıq müşahidə olunur.
Sürücülərə mümkün qədər alternativ marşrutlardan istifadə etmələri tövsiyə olunur.
