Milli Məclisin deputatları Əziz Ələkbərov və Hikmət Məmmədov “Qərbi Azərbaycan gerçəkliyi: tarixi həqiqətlər” mövzusunda keçiriləcək konfransda iştirak etmək üçün oktyabrın 23-də Türkiyənin İstanbul şəhərinə səfər edəcəklər.
Bu barədə "Operativ Məlumat Mərkəzi-OMM"-ə parlamentin Mətbuat və ictimaiyyətlə əlaqələr şöbəsindən məlumat verilib.
Bildirilib ki, tədbir Azərbaycan İstanbul şəhərindəki Baş Konsulluğu və Altınbaş Universitetinin birgə təşkilatçılığı ilə həyata keçirilir.
Konfransda Qərbi Azərbaycan İcmasının sədri deputat Əziz Ələkbərov mövzuya dair məruzə ilə çıxış edəcək. Millət vəkili Azərbaycan həqiqətləri barədə tədbir iştirakçılarına məlumat verəcək.
Səfər oktyabrın 25-də başa çatacaq.
