Azərbaycan Xarici İşlər Nazirliyi İspaniyaya başsağlığı verib.
"Operativ Məlumat Mərkəzi-OMM" xəbər verir ki, bu barədə XİN-in sosial media hesabında paylaşım edilib.
“İspaniyanın Kordova şəhərində baş verən və çoxsaylı insanın ölümünə və yaralanmasına səbəb olan faciəli qatar toqquşması xəbəri bizi dərin kədərləndirdi. Həlak olanların ailələrinə və İspaniya xalqına dərin hüznlə başsağlığı veririk. Yaralılara tezliklə sağalmalarını arzulayırıq”, - paylaşımda bildirilib.
Qeyd edək ki, İspaniyada qatarların relsdən çıxması nəticəsində 39 nəfər həyatını itirib.
