“Mançester Yunayted” yay transfer pəncərəsi üçün “Everton”un seneqallı cinah oyunçusu İliman Ndiayeni hədəflər siyahısına daxil etməyi planlaşdırır.
"Operativ Məlumat Mərkəzi-OMM" xəbər verir ki, bu barədə “TEAMtalk” nəşri məlumat yayıb.
İngiltərə nəhəngi 25 yaşlı futbolçunun çıxışını yaxından izləyir.
Mənbənin məlumatına əsasən, “Qırmızı şeytanlar” Ndiayeni heyətinə qatmaq üçün ciddi maliyyə vəsaiti ayırmalı ola bilər.
Bununla belə, “Everton” rəhbərliyi hələlik seneqallı futbolçu üçün konkret transfer qiyməti müəyyən etməyib və onun satışda olmadığını bildirib.
Qeyd edək ki, İliman Ndiaye bu qış Seneqal yığmasının heyətində Afrika Millətlər Kubokunun qalibi olub. O, cari mövsümdə bütün turnirlər üzrə 19 matçda meydana çıxaraq 4 qol vurub və 2 məhsuldar ötürmə ilə yadda qalıb.
Ndiayenin “Everton”la mövcud müqaviləsi 2029-cu ilin yayına qədər qüvvədədir.
“Transfermarkt” portalının məlumatına görə, futbolçunun bazar dəyəri 45 milyon avro olaraq qiymətləndirilir.
