İngiltərənin "Mançester Siti" klubu komandanın əsas mərkəz müdafiəçisi Ruben Diaşı heyətində saxlamaq qərarına gəlib.
"Operativ Məlumat Mərkəzi-OMM" xarici KİV-ə istinadən xəbər verir ki, Avropanın bir sıra nüfuzlu klublarının portuqaliyalı futbolçuya olan ciddi marağına baxmayaraq, "şəhərlilər" rəhbərliyi oyunçunu satışa çıxarmaq niyyətində deyil.
"Barselona", "Real Madrid" və "Çelsi" kimi nəhəng klublar Diaşın transferi ilə bağlı "Mançester Siti"yə müraciət ediblər.
Lakin İngiltərə təmsilçisi bütün bu təklifləri rədd edib.
Klub rəsmiləri Ruben Diaşın komanda üçün toxunulmaz oyunçu olduğunu və onun gedişinin müzakirə mövzusu olmadığını vurğulayıblar.
Qeyd edək ki, 27 yaşlı müdafiəçinin "Mançester Siti" ilə olan hazırkı müqaviləsi 2029-cu ilin ortalarına qədər qüvvədədir. "Transfermarkt" portalı portuqaliyalı futbolçunun bazar dəyərini 55 milyon avro olaraq qiymətləndirir.
