Afət Ziyadqızı
Makron siyasətdən uzaqlaşa biləcəyini bildirib.
"Operativ Məlumat Mərkəzi-OMM"xəbər verir ki, Fransa Prezidenti Emmanuel Makron prezidentlik müddəti başa çatdıqdan sonra siyasətdən gedə biləcəyini açıqlayıb.
Bildirilib ki, Makron bu barədə Kiprin paytaxtı Nikosiyada yerləşən Fransız-Kipr məktəbində şagirdlərlə görüş zamanı danışıb.
Qeyd olunub ki, onun çıxışı Yelisey Sarayının sosial media hesabında yayımlanıb.
Məlumata görə, RTL, BFMTV və Le Parisien nəşrlərinin yaydığı xəbərlərdə Makronun prezidentlikdən sonra siyasi fəaliyyəti davam etdirməmək ehtimalını açıq şəkildə ifadə etdiyi bildirilir.
Açıqlamada o da qeyd olunub ki, şagirdlərdən birinin “Fransa Prezidenti olmaq istəyirsinizmi?” sualına Makron “Ölkəmin həyatı ilə həmişə maraqlanıram, amma bunun üçün prezident olmaq vacib deyil” cavabını verib.
