"Qarabağ" UEFA Konfrans Liqasının III təsnifat mərhələsində bu gün Bakıda "Dinamo" (Kiyev, Ukrayna) ilə cavab matçına çıxacaq.
“Operativ Məlumat Mərkəzi-OMM”-in məlumatına görə, görüş Tofiq Bəhramov adına Respublika stadionunda keçiriləcək.
Saat 20:00-da başlayacaq matçı ingiltərəli FIFA referisi Stüart Attuell idarə edəcək.
Xatırladaq ki, komandalar arasında Polşada baş tutan ilk oyun Ukrayna təmsilçisinin 1:0 hesablı qələbəsi ilə başa çatıb.
III təsnifat mərhələsində üstün olan tərəf pley-off-da "Tvente" (Niderland) – DAK 1904 (Slovakiya) cütünün qalibi ilə qarşılaşacaq.
