İran dronları Küveytin Mina əl-Əhmədi neft emalı zavoduna hücum edib.
"Operativ Məlumat Mərkəzi-OMM" xəbər verir ki, bu barədə Küveytin dövlət xəbər agentliyi KUNA məlumat yayıb.
Xəbərdə bildirilir ki, aprelin 3-ü səhər pilotsuz təyyarələr zavod və ixrac mərkəzinə hücum edib. Küveyt Neft Korporasiyasının neft emalı zavodu paytaxtdan 45 kilometr cənubda yerləşir. Hücum nəticəsində yanğınlar baş verib.
Küveyt Müdafiə Nazirliyi bildirib ki, hava hücumundan müdafiə qüvvələri hazırda İran dronları və ballistik raketlərinin hücumlarını dəf edir.
Qeyd edək ki, bu, İranın Mina əl-Əhmədi neft emalı zavoduna ilk hücumu deyil, martın 20-də də zavod bir neçə dron hücumuna məruz qalıb və obyektlərdə yanğınlar baş verib.
