2025-ci ilin yanvar–iyun aylarında Azərbaycana təxminən 1,217 milyon xarici vətəndaş səfər edib.
Bu göstərici 2024-cü ilin eyni dövrü ilə müqayisədə 1,1 % azdır.
2025-ci il üzrə ölkəyə səfər edən xarici vətəndaşların ümumi sayı təxminən 2,3 milyon təşkil edib.
Bəs ölkəyə səfər edən turistlər ən çox hansı əraziləri ziyarət edirlər?
Bakıya gələn turistlərin ən çox baş çəkmək istədikləri məkanlardan biri "İçərişəhər" Dövlət Tarix-Memarlıq Qoruğudur.
Burada dünyaşöhrətli Şirvanşahlar Sarayı, Qız Qalası, Qala divarları və dördbucaqlı qala bürcü “donjon”, digər memarlıq inciləri vardır. Siz, İçərişəhəri gəzərək nadir abidələrin tarixini öyrənəcək, yerli əhalinin estetik zövq və dünyagörnüşünə bələd olacaqsınız.
Ərazisində tarixi ən qədim dövrlərə gedib çıxan yaşayış məskənlərinin, abidələrin olduğu Azərbaycanda son dövrlər turizmin müxtəlif növlərinin inkişafına xüsusi önəm verilir. Bəs turizmlə bağlı olan tarixi mədəniyyət abidələrinin qiyməti ölkə vətəndaşlarıyla nisbətdə xarici vətəndaşlar üçün nə qədər nəzərdə tutulur?
İçərişəhərdəki muzeylərə giriş biletlərinin qiymətlərini sizə təqdim edirik:
Bəylər məscidi, Bakı Fotoqrafiya Evi, Maqsud İbrahimbəyov yaradıcılıq mərkəzi kimi yerlərə giriş ödənişsizdir. İçərişəhər ərazisində Cümə məscidi və Seyid Yəhya Murtuza məscidi ibadət üçün açıqdır. Bundan başqa Şirvanşahlar sarayı ərazisində yerləşən Saray məscidi və Bəylər məscidi muzey kimi fəaliyyət göstərir. Milli kimliyindən və dinindən asılı olmayaraq məscidlərə giriş hər kəs üçün sərbəstdir.
“Şirvanşahlar Sarayı Kompleksi" və “Xəzinə” muzey ekspozisiyasının bilet qiymətləri (2026):
Azərbaycan vətəndaşları üçün:
Böyüklər: 6 (AZN)
Tələbələr: 3 (AZN)
Məktəblilər: 1 (AZN)
Xarici vətəndaşlar üçün:
Böyüklər: 20 (AZN)
Məktəblilər: 9 (AZN)
Qız Qalası (Xanəgah daxil) bilet qiymətləri (2026):
Azərbaycan vətəndaşları üçün:
Məktəblilər: 1 (AZN), ekskursiya şəklində 3 (AZN)
Tələbələr: 2 (AZN), ekskursiya şəklində 5 (AZN)
Böyüklər: 4 (AZN), ekskursiya şəklində 10 (AZN)
Xarici vətəndaşlar üçün:
Məktəblilər (7-16 yaş): 6 (AZN), ekskursiya şəklində 20 (AZN)
Xarici vətəndaşlar: 15 (AZN), ekskursiya şəklində 20 (AZN)
Tahir Salahovun ev-muzeyi bilet qiymətləri (2026):
Azərbaycan vətəndaşları üçün:
Məktəblilər: 1 (AZN), ekskursiya şəklində 1 (AZN)
Tələbələr: 2 (AZN), ekskursiya şəklində 3 (AZN)
Böyüklər: 4 (AZN), ekskursiya şəklində 3 (AZN)
Xarici vətəndaşlar üçün:
Məktəblilər (7-16 yaş): 6 (AZN), ekskursiya şəklində 6 (AZN)
Xarici vətəndaşlar: 8 (AZN), ekskursiya şəklində 6 (AZN)
Yeraltı hamam bilet qiymətləri (2026):
Azərbaycan vətəndaşları üçün:
Məktəblilər: 1 (AZN), ekskursiya şəklində (ödənişsiz)
Tələbələr: 2 (AZN), ekskursiya şəklində (ödənişsiz)
Böyüklər: 4 (AZN), ekskursiya şəklində (ödənişsiz)
Xarici vətəndaşlar üçün:
Məktəblilər (7-16 yaş): 6 (AZN), ekskursiya şəklində (ödənişsiz)
Xarici vətəndaşlar: 8 (AZN), ekskursiya şəklində (ödənişsiz)
Qala-əsri, Arxeoloji-Etnoqrafik Muzey Kompleksi, Əntiq Əşyalar Muzeyi bilet qiymətləri (2026):
Azərbaycan vətəndaşları üçün:
Məktəblilər: 0,5 (AZN), ekskursiya şəklində 5 (AZN)
Tələbələr: 1 (AZN), ekskursiya şəklində 5 (AZN)
Böyüklər: 3 (AZN), ekskursiya şəklində 5 (AZN)
Xarici vətəndaşlar üçün:
Məktəblilər (7-16 yaş): 6 (AZN), ekskursiya şəklində 10 (AZN)
Xarici vətəndaşlar: 6 (AZN), ekskursiya şəklində 10 (AZN)
İçərişəhər ərazisində altı hamam yerləşir. Bunlardan Ağа Mikаyıl hаmаmı və Аğа Zеynаl hаmаmı hal hazırda işlək vəziyyətdədirlər. Digər dörd hamam Hacı Bani (Hаcı Qаyıb) hаmаmı, Qasım bəy hamamı, Saray hamamı və Yeraltı hamam dövlət əhəmiyyətli abidə olaraq qorunub saxlanılır.
Ekskursiya üçün bileti Böyük Qala 55 ünvanında yerləşən Turist məlumat mərkəzindən əldə edə bilərsiniz.
Muzeylərin iş vaxtı isə həftənin yeddi günü saat 09.00-dan 17.30-dəkdir. Əlillər, müharibə veteranları üçün muzeyə giriş ödənişsizdir.
Aminə Nəzərova
