Rusiyalı futbolçu Denis Makarov karyerasını Samaranın "Krylya Sovetov" klubunda davam etdirəcək.
“Operativ Məlumat Mərkəzi-OMM” xəbər verir ki, bu barədə klubun mətbuat xidməti məlumat yayıb.
Bildirilib ki, 28 yaşlı yarımmüdafiəçi ilə bir mövsümlük müqavilə imzalanıb. Klub Denis Makarovun transferini rəsmən təsdiqləyərək, onu komandada görməkdən məmnun olduqlarını açıqlayıb.
Qeyd olunub ki, Makarov son olaraq Türkiyənin "Kayserispor" klubunda çıxış edib. O, ötən mövsüm ərzində 13 oyunda meydana çıxsa da, qol və ya məhsuldar ötürmə ilə yadda qalmayıb.
Xatırladaq ki, futbolçu daha əvvəl Moskvanın "Dinamo" klubunun da formasını geyinib. Samaranın "Krylya Sovetov" komandası isə ötən mövsüm Rusiya Premyer Liqasını 11-ci pillədə başa vurub və yeni mövsümdə daha uğurlu nəticələr əldə etməyi hədəfləyir.
