İspaniyanın "Barselona" klubu Dortmund "Borussiya"sının vingeri Karim Adeyemini transfer etmək istəyir.
"Operativ Məlumat Mərkəzi-OMM" xəbər verir ki, bu barədə tanınmış insayder Fabritsio Romano məlumat yayıb.
Məlumata görə, Kataloniya təmsilçisi 24 yaşlı almaniyalı futbolçunun transferi ilə bağlı Dortmund klubuna rəsmi sorğu göndərib.
Bildirilib ki, Karim Adeyemi də karyerasını "Barselona"da davam etdirməyə müsbət yanaşır. Hazırda tərəflər arasında danışıqlar davam edir və transferin baş tutması üçün klublar arasında razılıq əldə olunmalıdır.
Qeyd edək ki, Karim Adeyeminin transfer dəyəri təxminən 40 milyon avro qiymətləndirilir. Futbolçunun "Borussiya" ilə müqaviləsi gələn ilin yayında başa çatacaq. O, ötən mövsüm bütün turnirlərdə keçirdiyi 39 oyunda 10 qol vurub və 6 məhsuldar ötürmə ilə yadda qalıb.
