Daxili İşlər Nazirliyinin Baş Narkotiklərlə Mübarizə İdarəsi tərəfindən həyata keçirilən xüsusi əməliyyat nəticəsində külli miqdarda narkotik vasitənin qanunsuz dövriyyəsinin qarşısı alınıb.
Bu barədə "Operativ Məlumat Mərkəzi-OMM"-ə DİN-dən məlumat verilib.
Əməliyyat zamanı 28 yaşlı İsmayıl Muradov və 32 yaşlı Çingiz Quliyev şübhəli şəxs qismində saxlanılıb. Onlara baxış keçirilərkən ümumi çəkisi 21 kiloqram olan, tərkibinə müxtəlif zərərli maddələr qatılmış marixuana aşkarlanaraq götürülüb.
Araşdırmalar zamanı müəyyən edilib ki, saxlanılan şəxslər istintaqla kimliyi dəqiqləşdirilən İran vətəndaşı ilə cinayət əlaqəsinə giriblər. Onların narkotik vasitələri satış məqsədilə əvvəlcədən müəyyən edilmiş ünvanlara yerləşdirməyi planlaşdırdıqları məlum olub.
Faktla bağlı cinayət işi açılıb. Məhkəmənin qərarı ilə İsmayıl Muradov və Çingiz Quliyev barəsində həbs qətimkan tədbiri seçilib. İstintaq-əməliyyat tədbirləri davam etdirilir.
