Azərbaycan Xarici İşlər Nazirliyi (XİN) Ümummilli Lider Heydər Əliyevin anadan olmasının 101-ci ildönümü münasibətilə paylaşım edib.

"Operativ Məlumat Mərkəzi-OMM" xəbər verir ki, bu barədə XİN-in "X" hesabında paylaşım edilib.

"Müasir dövlətçiliyimizin qurucusu, ölkəmizin inkişaf strategiyasının banisi, xalqımızın Ümummilli Lideri Heydər Əliyevin anadan olmasının 101-ci ildönümündə müstəqil Azərbaycanın inkişaf və rifahı naminə misilsiz xidmətlər göstərmiş dahi şəxsiyyətin əziz xatirəsini dərin hörmət və minnətdarlıqla yad edirik", - paylaşımda bildirilib.

Latviya Prezidenti Edqars Rinkeviçs BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştirak edəcək.

"Operativ Məlumat Mərkəzi-OMM" xəbər verir ki, bunu Prezident İlham Əliyev Latviya Seyminin sədri Dayqa Mierinanın başçılıq etdiyi nümayəndə heyətini qəbul edərkən deyib.

Dayqa Mierina COP29-un Azərbaycanda keçirilməsi münasibətilə təbriklərini çatdırıb. Dövlət başçısı təbriklərə görə təşəkkürünü bildirib, COP29-da iştirak etmək üçün Latviya Prezidentinin də Azərbaycana səfər edəcəyini deyib.

Azərbaycan Prezidenti İlham Əliyev ərazi bütövlüyünün və suverenliyinin təmin olunmasından sonra regionda sülh üçün tarixi imkanlar yarandığını bəyan edib.

"Operativ Məlumat Mərkəzi-OMM" xəbər verir ki, Latviya Seyminin sədri Dayqa Mierinanın başçılıq etdiyi nümayəndə heyətini qəbul edərkən, dövlət başçısı Minsk qrupunun həmsədrlərinin fəaliyyətinə toxunaraq, onun hər hansı nəticəyə hasil olmadığını, o zaman ərazilərin işğalının davam etdiyini vurğuladı.

Hazırda isə sülh gündəliyinin irəli aparılması üçün çox yaxşı və əlverişli imkanların olduğunu deyən Azərbaycan Prezidenti sərhədlərin delimitasiyası və demarkasiyası istiqamətində də ikitərəfli proses çərçivəsində müsbət razılaşmaların əldə olunduğunu qeyd etdi.

Azərbaycan "vahid Çin" siyasətini dəstəkləyir.

"Operativ Məlumat Mərkəzi-OMM" xəbər verir ki, bunu Azərbaycan Xarici İşlər Nazirliyinin mətbuat xidmətinin rəhbəri Ayxan Hacızadə Tayvanda seçkilərdə qalib gəlmiş şəxsin vəzifəsinin icrasına başlaması ilə bağlı medianın sualını cavablandırarkən deyib.

"Cari ilin 13 yanvar tarixində Xarici İşlər Nazirliyinin açıqlamasında qeyd edildiyi kimi, Azərbaycan Respublikası “vahid Çin” siyasətini dəstəkləyir və Azərbaycan Tayvanın müstəqilliyini tanımır", - deyə o qeyd edib.

Beynəlxalq Münasibətlərin Təhlili Mərkəzi (BMTM) və İbn Haldun Universiteti arasında əməkdaşlıq haqqında Anlaşma Memorandumunun imzalanıb.

"Operativ Məlumat Mərkəzi-OMM" xəbər verir ki, memorandum Bakıda Beynəlxalq Münasibətlərin Təhlili Mərkəzinin (BMTM) təşkilatçılığı ilə “Azərbaycan-Türkiyə münasibətləri Türk Dövlətləri Təşkilatı (TDT) çərçivəsində” mövzusunda tədbir çərçivəsində BMTM-in İdarə Heyətinin sədri Fərid Şəfiyev və İbn Haldun Universitetinin rektoru Atilla Arkan tərəfindən imzalanıb.

Memoranduma əsasən, BMTM və İbn Haldun Universiteti arasında qarşılıqlı faydalı əməkdaşlığa əsaslanan akademik mübadilənin reallaşdırılması, ortaq layihələrin icrası nəzərdə tutulub.

İmzalamadan sonra İbn Haldun Universitetinin rektoru Atilla Arkan qeyd edib ki, qlobal güc rəqabətini hiss edirik və bunun bizim ölkələrimiz üçün bir thdid formalaşdırdığının da fərqindəyik.

O vurğulayıb ki, iki ölkə arasında əməkdaşlıq inkişaf etdiriləmli, aidiyyəti qurumlar bir-birləri ilə əlaqələri sıxlaşdırmalıdır:

“Beynəlxalq Münasibətlərin Təhlili Mərkəzi (BMTM) və İbn Haldun Universiteti arasında imzalanacaq memorandum da bu istiqamətdə bir addımdır”.

Latviya ilə Azərbaycan arasında iqtisadi əməkdaşlığın dərinləşdirilməsi üçün çoxlu imkanlar var.

"Operativ Məlumat Mərkəzi-OMM" xəbər verir ki, bunu Latviya parlamentinin sədri Dayqa Mierinya Bakıda mətbuat konfransı zamanı deyib.

O vurğulayıb ki, səfəri zamanı Latviya ilə Azərbaycan arasında iqtisadi əməkdaşlığın genişləndirilməsi üçün müxtəlif imkanlar müzakirə edilib:

"Məsələn, biz konkret addımları müzakirə etdik. Söhbət Latviyanın Şuşa şəhərinin yenidən qurulmasında necə iştirak edə biləcəyindən və ya regionun bərpasına necə kömək edə biləcəyindən gedir. Biz kənd təsərrüfatı, logistika, turizm, mübadilə, təhsil və mədəniyyət sahələrində potensial əməkdaşlığı müzakirə etdik".