Cari ilin yanvar-iyul aylarında Azərbaycan ilə İraq arasında ticarət dövriyyəsində 49 faizlik artım qeydə alınıb.
"Operativ Məlumat Mərkəzi-OMM" xəbər verir ki, bunu iqtisadiyyat naziri Mikayıl Cabbarov Azərbaycan-İraq biznes forumunda deyib.
O bildirib ki, ölkələrimiz arasında ticarət dövriyyəsi müsbət dinamika ilə inkişaf edir.
“Lakin bu rəqəm gözləniləndən azdır. Ölkələrimiz arasında ticarət potensialı genişdir. Hazırda 170-ə yaxın İraq şirkəti Azərbaycanda müxtəlif sektorlar üzrə fəaliyyət göstərir. Azərbaycan şirkətlərinin də İraqda fəaliyyəti üçün geniş potensial mövcuddur. İraqda böyük infrastruktur layihələrində Azərbaycan şirkətləri podratçı qismində iştirak edib, hazırda ölkədə inşaat, enerji, su təchizatı, yol və körpülərin tikintisinə tələbin mövcudluğu yerli şirkətlərimiz üçün yeni imkanlar açır”, - deyə nazir əlavə edib.