İspaniyanın "Real Madrid" klubu heyətini gücləndirmək üçün "Arsenal"ın müdafiəçisi Rikkardo Kalafyori ilə maraqlanır.
"Operativ Məlumat Mərkəzi-OMM" "Teamtalk" nəşrinə istinadən xəbər verir ki, İspaniya təmsilçisi artıq futbolçunun transferi ilə bağlı ilkin danışıqlara başladığı barədə məlumatlar yayılıb.
London təmsilçisi "Arsenal" rəhbərliyi "kral klubu"nun bu marağına qarşı dərhal reaksiya verib.
Klub rəsmiləri italyan müdafiəçini heyətdə saxlamaqda qərarlıdırlar və bu yay transfer dövründə onun satışı ilə bağlı heç bir danışıq aparmaq niyyətində deyillər.
Xatırladaq ki, 24 yaşlı cinah müdafiəçisi 2024-cü ilin yayında "Arsenal"a transfer olunub.
Tərəflər arasında imzalanan hazırkı müqavilənin müddəti 2029-cu ilin iyun ayının sonuna qədər nəzərdə tutulub. Hazırda futbolçunun bazar dəyəri 55 milyon avro civarında qiymətləndirilir.
