Əli Məmmədli
İtaliyanın Siciliya adası sahillərində miqrantları daşıyan qayıq batıb.
"Operativ Məlumat Mərkəzi-OMM" xəbər verir ki, İtaliya maliyyə polisi və sahil mühafizə xidmətinin patrul gəmiləri tərəfindən 18 nəfər xilas edilib, 5 nəfərin cəsədi tapılıb.
İtkin düşənlərin axtarışı dənizdə və quruda davam etdirilir.
Bundan başqa, ötən gecə Lampeduza adasına iki qayıqdan xilas edilən ümumilikdə 95 miqrant gətirilib. Onlar Liviyanın Zouara bölgəsindən və Tunisin Əl-Əmra şəhərindən yola çıxan Suriya, Eritreya, Efiopiya və Sudan vətəndaşlarıdır.
Adadakı miqrant düşərgəsindən daha 200 nəfər bərə-gəmisi ilə Siciliya adasının Porto Empedokl limanına yola salınıb. Hazırda düşərgədə 181 miqrantın olduğu bildirilir.
