Sabah Macarıstanda TDT-nin enerji nazirlərinin görüşü keçiriləcək

Sabah, martın 30-da Macarıstanın paytaxtı Budapeşt şəhərində Türk Dövlətləri Təşkilatının (TDT) enerji nazirlərinin iclası keçiriləcək.

"Operativ Məlumat Mərkəzi-OMM" xəbər verir ki, bu barədə təşkilat məlumat yayıb.

TDT baş katibi Kuban Omuraliyev toplantıda iştirak etmək üçün Macarıstanda səfərdədir.

K.Omuraliyev səfər çərçivəsində bu gün Özbəkistanın xarici işlər naziri Baxtiyar Saidovla görüşüb. Tərəflər təşkilat daxilindəki əməkdaşlığı müzakirə ediblər.