Kubanın əhalisi 2022-2023-cü illər arasında 18 faiz azalıb

Kubada aparılan araşdırmaya görə, 2022-2023-cü illər arasında ölkədə əhalinin sayı 18 faiz azalıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Kubalı iqtisadçı və demoqraf Xuan Karlos Albizu xüsusilə iqtisadi çətinliklər və kütləvi miqrasiya faktorları səbəbindən ölkə əhalisinin 2021-ci ildən azalmağa başladığını bildirib. Albizu ölkədə ölümlərin doğum sayından çox olduğunu və Kubada əhalinin sayının 9 milyonun altına düşdüyünü iddia edib.

Xəbərdə 2021-ci ilin oktyabrından 2024-cü ilin aprel ayına qədər 738 min 680 kubalının qeyri-qanuni və ya başqa yollarla ABŞ-yə mühacirət etdiyi barədə məlumat paylaşılıb.