"Barselona"nın mərkəz müdafiəçisi Andreas Kristensen İngiltərəyə qayıda bilər.
"Operativ Məlumat Mərkəzi-OMM" "El Nacional"a istinadən xəbər verir ki, "Tottenhem" "Çelsi"nin 28 yaşlı keçmiş oyunçusunun transferi üçün 12,5 milyon funt-sterlinq (təxminən 15 milyon avro) ödəməyə hazırdır.
"Barselona" mərkəz müdafiəçisi üçün təklifləri nəzərdən keçirəcək.
Andreas Kristensen 2022-ci ilin yayında azad agent kimi Kataloniya klubuna keçib.
Futbolçunun apreldə 29 yaşı tamam olacaq, onun müqaviləsi 2026-cı ilin ortalarına qədər nəzərdə tutulub.
