İranın ali rəhbəri ayətullah Seyid Əli Xaməneinin beynəlxalq məsələlər üzrə müşavirinin müavini ayətullah Möhsün Qumi Moskvada səfərdədir.
"Operativ Məlumat Mərkəzi-OMM" xəbər verir ki, bu barədə İranın Rusiyadakı səfirliyi məlumat yayıb.
Məlumata görə, ayətullah Quminin başçılıq etdiyi nümayəndə heyəti dekabrın 4-də Moskvaya gəlib.
Bildirilib ki, qısa səfəri çərçivəsində o, Rusiyanın dini liderləri, bu ölkədəki iranlı tələblərlə görüşlər keçirməyi planlaşdırır.
