"iPhone" istifadəçiləri hakerlərdən necə qoruna bilər?

Kompüter elmləri professoru Vitali Şmatikov “iPhone” istifadəçilərinin şəxsi məlumatlarını hakerlərdən qorumağın üç yolunu sadalayıb.

"Operativ Məlumat Mərkəzi-OMM" xarici mediaya istinadən xəbər verir ki, mütəxəssis Şmatikov “iPhone” cihazlarında şifrədən istifadə etməyi məsləhət görüb.

Onun sözlərinə görə, bu ən vacib qorunma yollarından biridir. Bunun üçün parol yaradan və saxlayan xüsusi proqramdan istifadə etmək də tövsiyə edilir.

Bundan əlavə, professor istifadəçilərin iki faktorlu identifikasiya istifadəsinə keçid etməyi bildirib. Yəni təkcə, şifrə ilə deyil, həm də “iPad” və ya “Apple Watch” kimi başqa cihazlardan istifadə edərək daxil olmağı məsləhət görüb.

Şmatikovun fikrincə, təsdiqləmənin ikinci mərhələsi kimi SMS mesajlarından deyil, “Google Authenticator” və ya “Duo” kimi xüsusi proqramlardan istifadə etmək daha yaxşıdır.

Mütəxəssis hakerlərə qarşı aparılan mübarizədə “Touch ID” və ya “Face ID”nin mütləq istifadə edilməsini tövsiyə edib.