Dövlət Gömrük Komitəsinin sədri təyin edilib

Şahin Soltan oğlu Bağırov Azərbaycan Respublikası Dövlət Gömrük Komitəsinin sədri təyin edilib.

"Operativ Məlumat Mərkəzi - OMM"-in xəbərinə görə, bununla bağlı Prezident İlham Əliyev sərəncam imzalayıb.

Dövlət başçısının digər sərəncamı ilə Şahin Bağırov Dövlət Gömrük Komitəsi sədrinin birinci müavini vəzifəsindən azad edilib.

Qeyd edək ki, 2022-ci ilin iyulunda Səfər Mehdiyev DGK-nin sədri vəzifəsindən azad edilmişdi. Prezidentin Sərəncamı ilə Şahin Bağırov DGK sədrinin I müavini təyin edilərək sədrin səlahiyyətləri ona həvalə olunmuşdu.

► Dövlət Gömrük Komitəsinin yeni sədri kimdir? - DOSYE