“Liverpul”un hücumçusu Darvin Nunes klubdan ayrılmağa hazırlaşır.
"Operativ Məlumat Mərkəzi-OMM" xarici KİV-ə istinadən xəbər verir ki, Səudiyyə Ərəbistanının “Əl-Hilal” klubu uruqvaylı futbolçunun transferi ilə bağlı “Liverpul”la tam razılıq əldə edib.
İddiaya görə, transferin əsas məbləği 53 milyon avrodur, lakin bonus ödənişləri ilə bu rəqəm artıra bilər.
Hazırda “Əl-Hilal” nümayəndələri 26 yaşlı Nuneslə şəxsi müqavilənin şərtlərini müzakirə edir. Uruqvaylı futbolçunun yaxın günlərdə Səudiyyə Ərəbistanına keçid üçün razılıq verməsi gözlənilir.
