Cənubi Koreyada əhalinin sayının azalması səbəbindən əsasən kənd yerlərində olan 49 məktəb ilin sonuna qədər bağlanacaq.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Təhsil Nazirliyinin açıqlamasında təhsili davam etdirmək üçün kifayət qədər şagird olmadığı üçün müxtəlif bölgələrdə 49 məktəbin bağlanacağı bildirilib.
Qeyd edilib ki, ibtidai məktəblər, orta məktəblər və liseylər də daxil olmaqla, sözügedən məktəblərin əksəriyyəti kənd yerlərində yerləşir.
2023-cü ildə ölkədə bağlanan məktəblərin sayı 22 olduğu halda, 2024-cü ildə bu rəqəm 33 olaraq qeydə alınıb.
