Afət Ziyadqızı
Cənubi Koreya Baş Qərargahının sözçüsü Li Sunq Cun gündəlik mətbuat konfransında açıqlama verib.
"Operativ Məlumat Mərkəzi-OMM" xəbər verir ki, bu barədə Yonhap məlumat yayıb.
Li bildirib ki, Şimali Koreya ölkənin şimalında istifadə olunmayan “koreyalararası” yollarda monitorlar quraşdırıb.
Şimali Koreyanın yolları "partlatmağa hazırlaşdığını" göstərən bəzi fəaliyyətlər həyata keçirdiyini iddia edən Li, partlayışın "ən tez bu gün" baş verə biləcəyini ifadə edib.
Li Şimali Koreyanın kosmik raket buraxılış sınağı keçirə biləcəyini də bəyan edib və qeyd edib ki, Pxenyan administrasiyası Seul administrasiyasına “təzyiqləri artırmaq üçün kiçik təxribatlara” əl ata bilər.
