Belçika baş nazirinin müavini: "Belçika Fələstin dövlətini tanımalıdır"

Belçika baş nazirinin müavini Petra De Sutter ölkəsinin yaydan əvvəl Fələstin dövlətini tanımalı olduğunu bəyan edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

De Sutter İspaniyanın yaydan əvvəl Fələstin dövlətini tanımağı planlaşdırdığını xatırladıb və ölkəsinin də eyni addımı atması lazım olduğunu bəyan edib.

“Biz müstəqil Fələstin dövlətini və onun Birləşmiş Millətlər Təşkilatına üzv olmaq üçün yeni cəhdini rəsmən tanımalıyıq”, - deyə paylaşım edən De Sutter Fələstin xalqının öz müqəddəratını təyinetmə hüququndan istifadə etməli olduğunu vurğulayıb.