Türkiyənin Malatya bölgəsindəki zəlzələdə azərbaycanlı tələbələrin dağıntılar altında qaldığı ilə bağlı məlumatlar yayılıb.
"Operativ Məlumat Mərkəzi - OMM" Qafqazinfo-ya istinadən xəbər verir ki,bu barədə Xarici İşlər Nazirliyinin (XİN) Mətbuat xidmətinin rəhbəri Ayxan Hacızadə araşdırmalar aparıldığını bildirib.
“Hazırda 4 azərbaycanlı tələbənin dağıntılar altında qalması ilə bağlı məlumatlar araşdırılır. Məlumat dəqiqləşən kimi rəsmi açıqlama veriləcək”, - XİN rəsmisi vurğulayıb.
Qeyd edək ki, sosial şəbəkələrdə İnönü Universitetində oxuyan azərbaycanlı tələbələrin dağıntılar altında qaldığı bildirilir. Hətta onların fotoları da ictimailəşdirilib.
