Rumıniya Prezidenti Nikuşor Dan Azərbaycan Respublikasının Prezidenti İlham Əliyevə təbrik məktubu göndərib. "Operativ Məlumat Mərkəzi-OMM"-in məlumatına görə, məktubda Azərbaycanın Müstəqillik Günü münasibətilə səmimi təbriklər və xalqa firavanlıq, sülh arzuları ifadə olunub.
Məktubda dövlətlərarası münasibətlərin strateji maraqlara söykəndiyi vurğulanaraq, Azərbaycanın Rumıniya üçün Cənubi Qafqazda etibarlı tərəfdaş və dost olduğu qeyd edilib. Nikuşor Dan Prezident İlham Əliyevin regionda davamlı sülhün bərqərar olması istiqamətindəki səylərini yüksək qiymətləndirib.
Sənəddə, həmçinin aşağıdakı məqamlar əksini tapıb:
- Rumıniyanın Azərbaycan ilə Avropa İttifaqı arasındakı dialoqun inkişafına dəstəyini davam etdirəcəyi bildirilib.
- İki ölkə arasında strateji tərəfdaşlığın dərinləşdirilməsi məqsədilə Prezident İlham Əliyev Rumıniyaya rəsmi səfərə dəvət olunub.
