Keniya Respublikasının Prezidenti Uillyam Samoei Ruto Azərbaycan Respublikasının Prezidenti İlham Əliyevə təbrik məktubu göndərib. Məktubda Keniya hökuməti və xalqı adından, eləcə də şəxsən öz adından Azərbaycanın müstəqilliyinin 108-ci ildönümü münasibətilə ən xoş arzular çatdırılıb. Qeyd olunub ki, bu tarixi gün Azərbaycan xalqının milli birlik, azadlıq və müstəqillik iradəsini ifadə edir.
Təbrikdə tərəflər arasında əməkdaşlığın strateji səviyyədə inkişaf etdirilməsinə dair hazır olduqları vurğulanıb. Eyni zamanda, Ümumdünya Şəhərsalma Forumunun 13-cü Sessiyasının uğurla başa çatması münasibətilə təbriklər ifadə edilib. Məktubda Forumun nəticələrinin Dayanıqlı İnkişaf Məqsədlərinə, xüsusilə şəhərlərin təhlükəsizliyi və ekoloji dayanıqlılığına mühüm töhfə verəcəyinə əminlik bildirilib.
Uillyam Samoei Ruto Azərbaycana səfəri çərçivəsində keçirilən görüşlərin ikitərəfli münasibətlərin dərinləşməsinə yeni təkan verəcəyini qeyd edib. Sonda Keniya Prezidenti dövlətimizin başçısına möhkəm cansağlığı, Azərbaycan xalqına isə sülh və firavanlıq arzulayıb.
