Misli Premyer Liqasında "Zirə" doğma meydanda "Araz-Naxçıvan" üzərində qələbə qazanıb
"Operativ Məlumat Mərkəzi-OMM" xəbər verir ki, XIX turun oyununda ev sahibləri rəqibini minimal hesabla üstələyiblər.
Yeganə qolu 4-cü dəqiqədə İsmayıl İbrahimli qonaq komandanın qapısından keçirib.
"Zirə" bu qələbə sayəsində xallarının sayını 33-ə çatdırıb. "Araz-Naxçıvan"ın isə 39 xalı var.
Qeyd edək ki, turun açılış matçında "Qarabağ" "Şamaxı"nı 3:2 hesabı ilə məğlub edib.
