Xəzər dənizinin Xaçmaz sahilində 3,3 maqnitudalı zəlzələ olub.
"Operativ Məlumat Mərkəzi-OMM" xəbər verir ki, bu barədə AMEA nəzdində Respublika Seysmoloji Xidmət Mərkəzinin dərc etdiyi verilənlərdən məlum olub.
“Zəlzələlərin tədqiqatı bürosunun məlumatına əsasən, Qusar stansiyasından 63 km şimal-şərqdə Xəzər dənizində zəlzələ qeydə alınmışdır”, – Mərkəz diqqətə çatdırıb.
Yeraltı təkanların Bakı vaxtı ilə 23:03-də qeydə alındığı vurğulanıb. Zəlzələnin dərinliyi 11 km olub.
