Ukrayna Müdafiə Nazirliyinin rəhbəri cəbhədəki vəziyyətlə bağlı ABŞ-a məlumat verib

Ukraynanın müdafiə naziri Rustem Umerov ABŞ Konqresinin nümayəndələri ilə görüşüb və cəbhədəki vəziyyəti və Ukrayna Silahlı Qüvvələrinin ehtiyaclarını izah edib.

"Operativ Məlumat Mərkəzi-OMM" xəbər verir ki, müvafiq yazı nazirin "Facebook" sosial şəbəkəsindəki səhifəsində dərc olunub.

“Komanda ilə birlikdə biz amerikalı tərəfdaşlarımızı cəbhədəki, xüsusən də Sumı vilayətinə yaxın ərazilərdəki mövcud vəziyyət barədə məlumatlandırdıq”, - deyə Umerov Ukrayna Silahlı Qüvvələrinin Kursk vilayətinə qarşı hücumuna toxunaraq yazıb.

Nazir, həmçinin Vaşinqtondan Rusiyanın dərinliklərinə edilən hücumlarda uzaqmənzilli silahların tam istifadəsinə icazə verməsini bir daha xahiş edib.