Türkiyədə yenidən 7,8 bal gücündə zəlzələ olub

Türkiyənin zəlzələ baş verən ərazilərində yenidən şiddətli yeraltı təkanlar olub.

“Operativ Məlumat Mərkəzi - OMM" Haber Global"a istinadən xəbər verir ki, zəlzələ Bakı vaxtı ilə 14:30 radələrində qeydə alınıb.

İlkin məlumata görə, yeraltı təkanlar 7,8 bal gücündə olub.

Zəlzələ ölkənin bir çox bölgəsində hiss edilib.

Qeyd edək ki, fevralın 6-da səhər saatlarında Türkiyədə 7,7 bal gücündə zəlzələ olub. Nəticədə 912 nəfər ölüb, 5385 nəfər yaralanıb. 1710 bina dağılıb.