Şvıdkoy Azər Paşa Nemətovun vəfatı ilə bağlı başsağlığı verib

Rusiya Prezidentinin beynəlxalq mədəni əməkdaşlıq üzrə xüsusi nümayəndəsi, Beynəlxalq Teatr İttifaqları Konfederasiyasının prezidenti Mixail Şvıdkoy Xalq artisti, görkəmli rejissor Azər Paşa Nemətovun vəfatı ilə bağlı başsağlığı verib.

"Operativ Məlumat Mərkəzi-OMM" xəbər verir ki, başsağlığında Azər Paşa Nemətovun vəfatının təkcə Azərbaycan mədəniyyəti üçün deyil, həm də Rusiya mədəniyyəti üçün böyük itki olduğu vurğulanıb.

“Azər Paşa Nemətovun işıqlı xatirəsi hər zaman qəlbimizdə yaşayacaq”, - başsağlığında deyilir.

Qeyd edək ki, ötən gün 76 yaşında vəfat edən Azər Paşa Nemətov vida mərasimindən sonra İkinci Fəxri xiyabanda dəfn olunub.