Rusiyanın xarici işlər naziri Sergey Lavrov və BƏƏ-nin həmkarı Abdullah bin Zayed Əl Nəhyan telefon danışığında Suriyadakı bütün siyasi qüvvələrin iştirakı ilə inklüziv dialoqa başlamaq üçün erkən beynəlxalq görüşün keçirilməsinin tərəfdarı olduqlarını bildiriblər.
"Operativ Məlumat Mərkəzi-OMM" xəbər verir ki, bu barədə Rusiya Xarici İşlər Nazirliyinin saytı məlumat yayıb.
"Nazirlər yekdilliklə razılaşıblar ki, belə bir görüşün təşkili çox yaxın vaxtlarda BMT baş katibinin xüsusi nümayəndəsi Geir Pedersen tərəfindən irəli sürülməlidir", - Rusiya diplomatik departamentinin bəyanatında deyilir.
Bildirilir ki, belə bir dialoq BMT Təhlükəsizlik Şurasının 2254 saylı qətnaməsində yer alan prinsiplərə tam uyğun olaraq başlanmalıdır.
Qərar mətnində Suriyanın gələcəyinin Suriya xalqının özləri tərəfindən müəyyən ediləcəyi əsas prinsip olaraq vurğulanır. Beynəlxalq Suriya Vasitəçilik Qrupunun (ISMG) Suriyada davamlı siyasi həllə nail olmaq, BMT-nin səylərini asanlaşdırmaq üçün mərkəzi platforma kimi rolunu tanıyır.
