Qazaxıstanda zəlzələ baş verib

Qazaxıstan seysmik stansiyalarının mütəxəssisləri respublikanın Cambıl vilayətində zəlzələ qeydə alıblar.

"Operativ Məlumat Mərkəzi-OMM" xəbər verir ki, bu barədə Qazaxıstanın Fövqəladə Hallar Nazirliyi məlumat verib.

Nazirliyin məlumatına görə, yeraltı təkanlar saat 11:14 radələrində, episentri Almatı şəhərindən 308 km qərbdə qeydə alınıb.

Maqnitudası 5,3 olan zəlzələnin enerji sinfi 10,2 olaraq müəyyən edilib.

Fövqəladə Hallar Nazirliyinin verdiyi məlumata görə, tələfat və dağıntı yoxdur.