Rusiya Prezidenti Vladimir Putin və Türkiyə Prezidenti Rəcəb Tayyip Ərdoğan arasındakı görüş Rusiyada keçiriləcək prezident seçkilərindən sonra baş tutacaq.
"Operativ Məlumat Mərkəzi-OMM" xarici KİV-ə istinadən xəbər verir ki, bunu Rusiya prezidentinin mətbuat katibi Dmitri Peskov bildirib.
O vurğulayıb ki, seçkilərə qədər Putinin və Ərdoğanın kifayət qədər sıx və gərgin cədvəli var.
"Ancaq yüksək səviyyəli təmaslara hazırlıq aparılır, bunu dəfələrlə bildirmişik".
Xatırladaq ki, Rusiyada prezident seçkiləri martın 15-17-də keçiriləcək.
