Türkiyə Prezidenti Rəcəb Tayyib Ərdoğan Pakistan Prezidenti Asif Əli Zərdari ilə telefon danışığı aparıb.
"Operativ Məlumat Mərkəzi-OMM" xəbər verir ki, danışıq zamanı Ərdoğan Zərdarini prezident seçilməsi münasibətilə təbrik edib.
İki ölkə arasında əlaqələrin hər sahədə inkişafını gözlədiyini deyən Ərdoğan yeni dövrün Pakistan üçün faydalı olacağına ümid etdiyini bildirib.
Ümumi seçki dövründə Pakistanda törədilən terror aktlarını pisləyən Ərdoğan Türkiyənin terrorla mübarizədə Pakistanın yanında olmağa davam edəcəyini qeyd edib.
