“4 gündür davam edən "icazəli media istəmirik" kampansiyası siyasi qüvvələrin əli il aparılır”.
"Operativ Məlumat Mərkəzi - OMM" xəbər verir ki, bunu Mətbuat Şurası İdarə Heyəti və MEDİA Agentliyi rəhbərliyinin iştirakı ilə Mətbuat Şurasında keçirilən toplantıda Mətbuat Şurası İdarə Heyətinin üzvü Müşfiq Ələsgərli bildirib.
Onun sözlərinə görə, vaxtilə əmək müqaviləsi ilə işləməyən jurnalistlərin bu gün reyestrdən keçməyində əngəl yaranan zaman bunu reyestrin problemi hesab edirlər:
“Halbuki problemin kökü başqadır. Kimlərsə sui-istifadə hallarına yol verməyə cəhd edirlər. 4 gündür ki, "icazəli media istəmirik" kampaniyasına başlayıblar. Günlərdir davam edən bu etirazın kökü başqadır. Media reyestri ilə bağlı etirazlarda İranın, qərb qüvvələrinin, müxalifətin istəyi var. Onlar diqqəti başqa məcraya yönəltmək üçün indi "Media haqqında" qanunu gündəmə gətirir, reyestrdən keçməklə bağlı problem yaşadıqlarını deyirlər. Halbuki sənədləri qaydasında olan şəxslərin reyestrdən keçməsində problem yoxdur”.
